Рожер Мур

Сэр Рожер Жорж Мур (англи. Sir Roger George Moore; 1927 оны 10-р сарын 14-нд Их Британийн Английн Их Лондонд төрж, 2017 оны 5-р сарын 23-нд Швейцарын Кран-Монтанад нас барсан) — Британийн кино жүжигчин, кино зохилч, продюсер. Жеймс Бондын дүрд тоглож алдартай болсон.

Рожер Мур

Намтар

Айлын ганц хүүхэд. Эцэг Жорж Мур нь цагдаа байсан. Эх Лилиан Поуп нь гэрийн эзэгтэй юм. Баттерсигийн гимназид сурч байсан боловч Дэлхийн 2-р дайны үеэр Холсворси Девон руу гэр бүлээрээ нүүсэн байна. Тэрээр Дархемын их сургуулийн Гэгээн Бедегийн коллежид суралцсан боловч төгсөж чадаагүй. Дайн дууссаны дараахан Мур 18 нас хүрмэгц Британийн Үндэсний армид цэргийн алба хааж, ахмад цолтой цэргийн албыг орхисон байна.

1950-иад оны эхээр Мур сүлжмэл хувцасны сурталчилгааны загвар өмсөгчөөр ажиллаж байсан (энэ нь түүнд "Том сүлжмэл" гэсэн инээдтэй хоч авчирсан). Мөн шүд цэвэрлэх оо гэх мэт төрөл бүрийн бүтээгдэхүүнийг сурталчилж байв. Энэ нь Мур өөрийгөө жүжигчин гэдгээ батлахад тус болсон гэж олон шүүмжлэгчид үздэг. Түүний дэлгэцийн хамгийн алдартай дүр нь 1950 оны 5-р сарын 27-нд "Мөрдөгчийн зочны өрөө" телевизийн нэвтрүүлэгт орсон явдал байв.

Мур эцэст нь телевизийн дэлгэцээр нэрээ гаргаж чадсан. Тэрээр Уолтер Скоттын романтик романы "Айвенхоу" телевизийн олон ангит киноны баатар байсан бөгөөд "Аляск" олон ангит кинонд мөн тоглосон юм.

Их Британид гарсан "Гэгээнтэн" телевизийн олон ангит киног АНУ-д үзүүлэхээр худалдаж авсан бөгөөд үүний дараа тэрээр дэлхий даяар алдартай болж, хамгийн алдартай арван киноны жагсаалтад багтаж чаджээ. Энэ кинонд ажиллаж байхдаа Мур Бондын дүрд таарах хэв маягийг олж авсан гэдэг. Мур ч энэ цувралд цааш тоглохыг зөвшөөрчээ. Эдгээр хэдэн анги кино нь сүүлд 1967 онд өнгөт болсон байна.

Жеймс Бондын дүр

1967 он хүртэл Харри Зальцман түүнийг Бондын дүрд таарч тоглох жүжигчин гэж хэлэх хүртэл Мурыг 007-ын дүртэй олон нийтэд мэдээлээгүй хүлээсэн нь тодорхой юм. Тухайн үед Зальцман түүнийг "Гэгээнтэн" киноны Саймон Темпларын дүрээр алдаршсан нь түүнийг агент 007 гэж үзэхэд саад болж магадгүй гэж санаа зовниж байгаагаа мөн илэрхийлж байсан. Гэсэн хэдий ч Мур эцэст нь 1973 онд "Амьд яв тэгээд үхүүлээч" (англ. Live and Let Die) кинонд Жеймс Бондын дүрд тоглосон. Энэ нь 1972 оны сүүлээр Мурыг шинэ Бонд хэмээн олон нийтэд танилцуулснаар ихээхэн гайхшрал төрүүлж байсан юм. Тэр үед тэрээр 45 нас хүрсэн байжээ.

Рожер Мур 1973 онд Бондын дүрд тоглож эхлээд 1985 онд дуусгасан бөгөөд үүгээрээ 2021 он хүртэл хамгийн удаан Бондын дүрд тоглосон хүн байсан ажээ. 2021 онд "Үхэх цаг болоогүй" (англи. No Time To Die) кино гарсны дараа хамгийн удаан тоглосон жүжигчин нь 2006-2021 он хүртэл 15 жил Бондын дүрд тоглосон Дэниел Крэйг болсон. Гэсэн хэдий ч Бондын тухай киноны тоогоор Рожер Мур 7 албан ёсны Бондын кинонд тоглосон рекордын эзэн хэвээр байна. Шон Коннери мөн Бондын дүрд 7 удаа тоглосон болов ч "Хэзээ ч битгий үгүй гэж хэл" (англи. Never Say Never Again) кино нь албан ёсны Жеймс Бондын цуврал кино биш юм. Крэйг 5 удаа Бондод тоглосон.

Рожер Мур хорт хавдрын улмаас 2017 оны 5-р сарын 23-нд Швейцарт нас баржээ.

Түүний өөрийнх нь гэрээслэл ёсоор Монакод оршуулжээ.

Гэр бүл

Гэргий нар

• Дорн ван Штейн (Doorn van Steyn; 1946—1953)
• Дороти Сквайрс (Dorothy Squires; 1953—1968)
• Луиза Маттиоли (Luisa Mattioli; 1969—1996)
• Кристина Толструп (Kristina Tholstrup; 2002 оноос 2017 онд нас бартал нь)