Рембрандт

Рембрандт буюу Рембрант Харменсоон ван Рейн (нид. Rembrandt Harmenszoon van Rijn [ˈrɛmbrɑnt ˈɦɑrmə(n)soːn vɑn ˈrɛin]; 1606 оны 7-р сарын 15 өдөр төрсөн- 1669 оны 10-р сарын 4 өдөр нас барсан) XVII зууныг төлөөлөх Нидерландын гэрэл, сүүдрийн мастер гэгддэг уран зураач. Тосон будаг төдийгүй, хорын сийлбэрийн арга болон эдгээрийн нийлмэл арга, хар зургийн аргыг хэрэглэн зурж байснаараа алдартай.

"Шөнийн эргүүл", 1632 онд "Доктор Түлпийн анатомийн хичээл" зэрэг зураг нь түүнийг нэрд гаргажээ.

Рембрандтын нүд нь өнгө ялгахдаа жирийн хүнийхээс өөрөөр хардаг байсан гэж яригддаг. Нэг төрлийн нүдний өвчин юм.

Амьдрал

Рембрандт нь арван хүүхэдтэй чинээлэг, тээрэм эзэмшигч Хармен Герритсзон ван Рейны ес дэх хүүхэд болж төрсөн юм. Түүний эх нь Корнелла ван Зуютброук нь талхчны охин байлаа. Рембрандтыг латин дунд сургууль дүүргэсний дараа эцэг, эх нь түүнийг Лейдений их сургуульд оруулжээ. Гэвч нэг жил гаруйн хугацаанд суралцаад сургуулиасаа гарчээ. Рембрандт ердөө 15 настайдаа л ирээдүйд зураач болно гэж бүрэн шийдвэрийг гаргасан байдаг.

1623 онд Рембрандт Италид бэлтгэгдсэн, түүх, домог, библийн сэдвээр мэргэшсэн Питер Ластман-аас Амстердамд суралцжээ. 1627 онд Лейден рүү буцаж ирээд Рембрандт найз Ян Ливенсийн хамт өөрийн урлан нээж, оюутнуудыг элсүүлж эхлэв. Хэдэн жилийн дотор тэрээр маш их нэр хүндтэй болсон юм.

Тэрээр 1634 онд Са́ския ван Эйленбург (нидерланд. Saskia van Uylenburgh,: 1612-1642)-тэй Амстердамд гэрлэж их аз жаргалтай хэдэн жил болжээ.

Бүтээл (сонголтоор)

• 
  Гэгээн Стефаныг чулуудсан нь (1625 он), Лион дахь дүрслэх урлагийн музей
• 
  Тобиас эхнэрээ хулгайд хардсан нь (1626 он), Амстердам дахь Рейксмузеумд
• 
  Доктор Тульпийн анатомийн хичээл (1632 он), Хааг дахь Маурицхёйс музейд
• 
  Цэцгийн хатан Саскиа (1634 он), Санкт-Петербург дахь Эрмитаж музейд

Мөн үзэх

Д.Наранцацрал, М.Ганхүү "Рембрандт Харменс Ван Рейн", УБ 2007

Цахим холбоос

 Commons: Rembrandt – Викимедиа дуу дүрсний сан

• The Rembrandt Database