Пётр Козлов

Пётр Кузьмич Козлов (1863 оны 10 сарын 3, Духовщина, Смоленскийн Духовщина - 1935 оны 9 сарын 26, Ленинград мужийн Петергоф) нь Н. М. Пржевальскийн шавь бөгөөд түүний үйлсийг үргэлжлүүлэгч, Оросын Төвөд, Монгол судлаач эрдэмтэн. Тэрээр Зөвлөлт Украйны шинжлэх ухааны академийн жинхэнэ гишүүн (1928), Оросын газар зүйн нийгэмлэгийн хүндэт гишүүн байв.

Пётр Кузьмич Козлов
Пётр Козлов 1907-1909 оны Монгол-Сычуаний аяллынхаа цуглуулгын үзэсгэлэнгийн үеэр.Карл Буллагийн гэрэл зураг (1910 он).
Төрсөн 1863 оны 10 сарын 3 (1863-10-03)
Духовщина
Үхсэн 1935 оны 9 сарын 26 (71 насалсан)
Петергоф
Яс үндэс Хаант Орос Улс
Зөвлөлт Холбоот УлсЗөвлөлт Холбоот Улс Зөвлөлт Холбоот Улс
Салбар Археологи, газарзүй
Алдартай бүтээл Монгол, Хятад, Төвөдийн тухай судалгаа
П. К. Козлов 1883—1885 оны Н. М. Пржевальскийн анхны аяллаас эргэж ирсний дараа.

Эцэг эх нь түүнийг цэргийн карьерт бэлтгэж байсан ч Козлов өөрөө Николай Пржевальскийн экспедицэд нэгдэхээр шийджээ. 1881 онд Н. М. Пржевальский өөрийн Слобода эдлэн газарт ирэхэд нь Петра Кузьмич анх түүнтэй уулзсан гэдэг.

Түүний удирдагч нас барсны дараа Козлов залгамжлагч Певцов, Роборовскийн хамт Ази тивээр аялсан байна. 1895 онд тэрээр экспедицийн ерөнхий удирдлагыг өвчтэй Роборовскийгээс авав. Тэрээр 1899-1901 онуудад Шар мөрний дээд хэсэг, Янцзэ, Меконг голуудыг судалж, дараа нь номондоо тайлбарлаж, 1902 онд "Константин" медаль хүртжээ.

1883 - 1926 онуудад П.Козлов Монголд зургаан удаагийн судалгааны аялалд оролцсон бөгөөд Хятадын баруун болон умард хэсэг, Төвөдийн дорнод хэсэгт хийх аяллыг тэрээр толгойлжээ. 1907 онд Өргөө хотод арван гуравдугаар Далай ламтай уулзжээ. 1907-1909 онд Монгол-Сычуаний судалгааны аяллын үед тэрээр Хар хотын туурийг олж илрүүлсэн юм. Мөн 1909 оны намар Хар хотын тууриас тангуд хэлээр бичигдсэн 2000 хуудас судар бүхий баялаг номын санг олжээ.

1923-1926 онд Монгол, Төвөдөд явуулсан Козловын сүүлийн судалгааны аялал азгүйтлээр дуусчээ. Улс төрийн нөхцөл байдлаас шалтгаалан тэрээр Өргөө хотоос гарч явж чадсангүй. П. Козловын Ноён уулын Хүннүгийн язгууртны булшинд (МЭӨ I зууны сүүл - МЭ I зууны эхэн) хийсэн малтлага, судалгааны ажил нь том нээлт болсон.