Морин зээргэнэ

Морин зээргэнэ - (Англи: Ephendra equisetina), (Орос: Хвойник хвощевый)

1,5 мерт хүртэл өндөр бүдүүн модлог иштэй, ишнээс салаалсан эгц босоо ногоон мөчиртэй, тэр нь гөлгөр бөгөөд ховилтой, үелсэн байна. Үений хоорондын зай 2см-т хүрнэ. Навч нь хувирч хальсархаг гурвалжин хэлбэртэй, угаараа нийлж хосоор байрласан байна.

6 - 7-р сард цэцэглэж, 8 сард үр нь боловсорно. Мөнх ногоон бут.

Говь, цөлд толгодын хажуу, налуу ар, өврөөр хайрга, хад асганд ургадаг.

Морин зээргэнэд эфедрин, псевдоэфедрин гэдэг хоёр алкалиод ямагт хамт агуулагддаг.

Морин зээргэнийг ердийн нөхцөлд мал идэхгүй боловч хааяа ямаа идэж хордох тохиолдол байдаг.

Ашигласан материал

Г.Эрдэнэжав, Г.Балдандорж, С.Тусивахын - БНМАУ-ын тэжээлийн голлох ургамлын өнгөт альбом 1 - 1974 - хуудас 13