Монгол тэмүүлэл сургууль

Монгол Тэмүүлэл сургууль бол төрийн өмчит олон улсын Кембриджийн хөтөлбөрийн сургалттай 3 сургуулийн нэг юм.

Монгол Тэмүүлэл
Байршил
Улаанбаатар
Ерөнхий мэдээлэл
School type	Төрийн өмчит олон улсын сургууль
Sister school	Шинэ Эрин Шинэ Эхлэл
Захирал	Төмөрчөдөрийн Дүгэррагчаа
Age range	14-17
Average class size	20-24

Сургалт

Монгол Тэмүүлэл сургууль нь 9 дүгээр ангидаа үндэсний хөтөлбөрийн 13 хичээлийг судлан суурь боловсрол эзэмшдэг бөгөөд 10 дугаар ангиас эхлэн үндэсний хөтөлбөрөөр судлах хичээлийн тоо багасаж, ирээдүйд эзэмших мэргэжил, сурагч бүрийн сонирхол, хэрэгцээнд нь нийцүүлэн англи хэлээр судлах хичээлийн агуулга нэмэгдүүлдэг. Одоогоор Кембриджийн Их Сургуулиас албан ёсны зөвшөөрөлтэйгөөр IGCSE, AS болон А түвшний хөтөлбөрийн хүрээнд Mathematics, Mandarin Chinese, German, First Language English, English as Second Language, Physics, Chemistry, Biology, History, Environmental Management, Geography, Business Studies, Art and Design, ICT, Physical Education, Computer Science, Economics болон Music гэсэн 17 хичээлийг явуулж байна. Кембриджийн олон улсын дунд боловсролын хөтөлбөр нь дэлхийн 195 орны 1400 гаруй сургуульд хүлээн зөвшөөрөгдсөн, 14-16 насныханд хамгийн түгээмэл хэрэгждэг ба сурагчдад өөрийн мэдлэг чадвар, хүсэл сонирхолдоо уялдуулан цөөн тооны хичээлийг сонгон судалж, дараагийн шатны сургуульд элсэх бэлтгэлээ хангаж илүү өндөр түвшинд хөгжих боломжийг олгодгоороо онцлогтой. Мөн тус сургуульд хүүхдийг олон талаас нь хөгжих боломжийг байнга дэмжин тогтмол төсөлт ажил, клубийн үйл ажиллагаа явуулдаг.

Элсэлт

Тус сургууль нь тухайн жил 8-р ангиа төгсөөд, 9-р ангидаа элсэн орох гэж байгаа сурагчдыг элсүүлдэг ба жил бүрийн 6 дугаар сарын сүүлээр Боловсролын Үнэлгээний Төв-өөс математик, англи хэл болон байгалийн ухааны хичээлүүдээр шалгалт аван, хяналтын тоонд багтсан 90-96 сурагчдыг элсүүлдэг.

Байршил

Өмнө нь Чингэлтэй дүүрэгт ХҮИС-ын байранд байрлаж байсан ба 2023 онд Баянзүрх дүүрэгт Дүнжингараваас 2 километрийн цаана байрладаг шинэ байрандаа нүүж орсон.