Кодыг дахин факторлох

Кодыг дахин факторлох (англ. Code refactoring) гэдэг бол оршин буй компьютерын кодын гадаад араншинг өөрчлөлгүйгээр факторуудыг нь өөрчлөх буюу дахин бүтэцлэх үйл явц юм.

Программ хангамжийн хөгжүүлэлтэд refactoring гэдэг нэршил нь хийгдчихсэн байгаа эх кодын бүтэцийг програмын гадаад шинж чанарт нөлөө үзүүлэлгүйгээр сайжруулан зохион байгуулахыг хэлдэг. Иймд энэ нь алдаа засах эсвэл шинэ үйлдлүүдийг кодод нэмэхээс арай өөр зүйл юм.

Хэрвээ программ хангамжийн шинж чанарыг өөрчлөн сайжруулахаар зохиомжлоогүй бол түүнд шинэ боломжуудыг нэмж оруулахад хүндрэл үүсдэг. Үүнийг шийдэхийн тулд эсвэл программыг бүхэлд нь шинээр хийх эсвэл тухайн шинэ шинж чанарыг нэмэхэд саад учруулж байгаа хэсгийг өөрчлөх болдог. Ингэж кодыг дахин бүтэцчилснээр код ойлгомжтой, дараа өөрчлөлт болон нэмэлт шинж чанар оруулахад хялбар болдог.