Оросын хамгийн алдартай рок од 19 жилийн eмнe таалал тeгссeн ч тvvнийг хэн ч мартаагуй аж. Цойгийн вебсайтнаас 15 нзстай охид одоог хvртэл салдаггvй бeгeeд “Витька”-даа зориулж шvлэг бичсээр л байна. “Кино” хамтлаг нь зeвлeлтийн рок хамтлагуудаас хамгийн шилдэг нь байсан. Энэ нь зvгээр нэг vгсийн нийлбэр биш юм. Урьд нь оросын рок хeгжимчдээс хэн ч хийж чадаагvй зvйлийг “Кино” хамтлаг хийсэн.

Тэрээр рокийг моодонд оруулсан юм. Лужникид тоглосон “Кино” хамтлагийн сvvлийн концертон дээр (хэн ч энэ тоглолтыг сvvлчийнх гэж мэдээгvй, хэрвээ мэдсэн бол арав дахин их цугларах байсан) 64 мянган хvн цугларсан юм. Ийм их vзэгчид Москвад 1998 онд The Rolling Stones хамтлагийн цорын ганц тоглолтон дээр л цуглаж байжээ. Цой питерийн “шинэ давалгаа”-I ныхантай хамт гараагаа эхэлсэн ч эдгээр бvх суутнуудаас ганцаараа л орчин цагийн хэллэгээр хитмэйкерийн авьяасыг тeгс эзэмшсэн рокер байсан аж. Тvvнд сая сая хvмvvс татагдахаас eeр аргагvй хангалттай дур булаам, хангалттай сайхан, хангалттай энгийн нэгэн байсан юм.




Виктор Цой Серовын нэрэмжит урлагийн сургуулиас сурлага муутай гэж хeeгдeн ТМС (техник мэргэжлийн сургууль)-д суралцаж, vйлдвэрт ажилладаг байв. Энэ vед тэрээр “Палат №6″ (Максим Пашковтой хамт), “Гарин ба гиперболоид” (Алексей Рыбинтэй хамт) гэдэг хамтлагуудыг байгуулаад амжжээ. Харамсалтай нь тvvний анхны бичлэгvvд хадгалагдаж vлдээгvй байна. Нэрд гарсан тvvний анхны цомог нь “45″ гэсэн нэртэй бeгeeд энэ цомгоо 1982 онд (энэ vед тэрээр 20 настай байсан) бичvvлж байжээ. ТМС-ээ тeгсeeд Цой eeрeeсee дeрeв эгч Марианна гэдэг бvсгvйтэй танилцана. Энэ бvсгvй тvvний эхнэр тeдийгvй хvvхдийнх нь эх, тvvний намтарч болж “Кино” хамтлагийн ирээдvйн алдард хувь нэмрээ оруулна. Цой Марианнаг анх гэртээ авчирсныг Цойгийн ээж дурсан ярьдаг. “Ээжээ, энэ Марианна. Бид хоёр хамтдаа амьдрахаар болсон. Хэрвээ болж бvтэж байвал бид сууна”. Харин ээж нь бvр догиор хариулдаг: “Роберт Максимович, нааш ир дээ! Бидний хvv том болж!”.

“Кино” хамтлаг бага багаар Ленинградын рок клубууд болон Москвад тоглох болов. Эхлээд “Аквариум” хамтлагтай тоглодог байсан бол сvvлдээ дангаараа тоглох болжээ. Сонирхолтой нь нэгэн vеийн “шинэ давалгаа” болох “Аквариум”, “Зоопарк”, “Алиса”, “Африка”, “Кино” зэрэг хамтлагуудын дунд ямар ч eрсeлдeeн байсангvй. Амжилт байхгvй-eрсeлдeeн ч байхгvй. Цой eeрийн тансаг хоолойгоо бvрэн гvйцэд эзэмшиж чадаагvй ч маш сайн сонсголтой байжээ. “Автоматические удовлетворители” хамтлагийн Свиний дурссанаар Цой хэрэгтэй эгшгийг гаргахын тулд eeрийн хамтлагийн гишvvдээ шeнeжин сургуулилт хийхийг шаарддаг байсан байна. Удалгvй “Кино” хамтлаг “46″ цомгоо бичvvлэв. Энэ vеэр тvvнийг цэрэг татлагийн комисс сонирхож эхэлжээ. Цэргээс бултах олон аргаас Цой сэтгэл мэдрэлийн эмнэлгийг сонгосон байна. Тэрээр сэтгэл мэдрэлийн эмнэлэгт зургаан долоо хоногийг eнгeрeeжээ. Vнэнч Марианна Ленинградын цирк дэх боломжийн ажлаа орхин нeхрийнхee хэвтэж буй эмнэлэгт цалин муутай ажилд орсон байна.




Викторыг эмнэлгээс гарахад тэр хоёр гэрлэжээ. Жилийн дараа тэдний хvv Саша тeрсeн байна. Удалгvй Цой eeрийн мeрeeдлийн ажил болох галын зуухчаар ажилд оров. Ингэж л уурын тогооны eрeeнд хvн болгоны дуулах дуртай болсон “Камчатка” цомог бичигджээ. Тэр vеийн дуучдын тухай “Галын зуухч болон цэвэрлэгчийн vе” гэсэн Гребенщиковын тодорхойлолт нь зvгээр нэг зvйрлэл байсангvй. Башлачев, Цой хоёр уурын зуухч, Гребенщиков, Майк хоёр манаач, Шевчук цэвэрлэгчээр ажиллаж байжээ. Марианна Цой “Кино”. хамтлагийн эрхлэгч болсноос хойш тус хамтлаг хотуудаар тоглох болов. “Камчаткийн дарга”, “Энэ хайр биш”, “Шeнe”) зэрэг цомгууд гарсны дараа “Кино” хамтлаг нэрд гарч хeгжмийн их наадмуудад оролцох болжээ. Vvний зэрэгцээ Виктор Цой кинонд тоглох болов. Эхлээд оюутны богино хэмжээний “Йя-Хха” кинонд дvр бvтээсэн бол дараа нь “Рок” кинонд тогложээ. 1986 онд найруулагч Соловьев Цойг “Асса” кинонд тоглохыг урьсан байна. Америкт Виктор Цойгийн дотны найз Жоанна Стинграгийн хичээл зvтгэлээр “Кино”, “Аквариум”, “Алиса”, “Странные игры” зэрэг хамтлагуудын тоглосон “Улаан давалгаа” кино гарлаа. Харин жинхэнэ солиорол арай сvvлд эхэлсэн юм. 1987 онд Цой “Зvv” киноны гол дvрд тоглож, Марианнагаас салж, шинэ амраг болох Наташа Разлогова дээрээ Москва руу нvvж иржээ. Он дуусах гэж байхад Цой хамаг хvчээ шавхаж байж “Нeж цус” цомгоо дуусгав. Энэ vед л эргэлт гарсан юм. Ирлэгдсэн, тавтын мeнгe шиг энгийн, рок-н-ролл шиг хvчирхэг Цойгийн томъёонууд хэрэгтэй хvмvvстээ хvрэв. Цойгийн мандалт ирлээ. “Зvv” кинонд тоглосноор тэрээр оны шилдэг жvжигчин болж, “Зvv” кино орлогоороо хоёрт оржээ. “Нeж цус” цомог гайхамшигт амжилтанд хvрэв.




1988 он бол яах аргагvй Цойгийн жил юм. “Кино” хамтлагийн тоглолт болгон дээр vзэгчид цэнгэлдэхэд багтахгvй байдаг байж. Амжилтын давалгаан дээр “Кино” хамтлаг “Нeж цус”-аас илvv сайн, илvv бахдам “Нар нэртэй од” цомгоо бэлтгэж эхэлжээ. Мeн Цой eeрийн хамтлагийн гитарчин Гаспарянтай хамт хоёр удаа Америк явав. Эхний явалтаараа Жоанна дээр зочилж Диснейлэнд болон Лас-Вегасыг vзсэн бол хоёр дахь удаагаа “Зvv” киноны албан ёсны нээлтэнд явсан байна. Хамтлагийн нэр хvнд эх орноосоо хальж аажмаар хилийн чанадад тvгэж эхлэв. Жоанна “Зvv” киног Японд гаргаж, Францад “Кино” хамтлагийн пянз хэвлэгдлээ. 1990 оны намар “Кино” хамтлаг дэлхийг тойрсон аялан тоглолт хийхээр тeлeвлeв. Оны эхний хагаст Оросыг тойрсон тоглолт хийсэн хамтлагийнхан зун нь амрахаар шийдсэн байна. Цой Марианнагаас хvvгээ авч Разлоговатай хамт Юрмала руу явжээ. Цаашаа дуугvй байх хэрэгтэй байх. 1990 оны наймдугаар сарын 15-ны eдрийн золгvй явдлын тухай бvгд мэднэ. Цойгийн унаж явсан машин шугамын автобустай мeргeлдсeн юм. Цойгийн оршуулга дээр мянга мянган хvн цугларсан. Цойг нас барсны дараа хууль бус цагаачлалын эсрэг хeдeлгeeн тvvнийг eeрийнхee бэлэг тэмдэгээр сонгосон байна. Ямар ч байсан “Кино” хамтлагийн дуунууд олон хvмvvсийн амьдралыг урьд байснаас нь илvv сайхан болгосон. Мянга мянган хvмvvсийн зvрхэнд Цой vхээгvй байгаа, тэр зvгээр л тамхи татах гэж гарсан…