Ирпинь гол

Ирпинь гол (Украин: Ірпі́нь, Орос: Ирпень) нь Украин дахь Днепр мөрний баруун цутгал юм.

Ирпинь гол Украин: Ірпі́нь Орос: Ирпень
Ирпинь гол, Чорногородка тосгон хавьцаа
Эх	Днеприйн өндөрлөгийн баруун хойд суганаас
Адаг	Днепр мөрөн → Хар тэнгис 50°44′40″N 30°22′05″E
Усаа цуглуулдаг орнууд	Украин
Байршил	Житомир муж, Киев муж (Украин)
Урт	162 км
Адгийн өндөр	97 м
Ус цуглуулах талбай	3340 км²
Голын систем	Днепр мөрөн
Баруун цутгалууд	Нивка гол, Унава гол, Буча гол

Газар зүй

Ирпинь гол нь Днеприйн өндөрлөгийн баруун хойд суганаас эх аван урсдаг. Эхлээд дорно зүгийг чиглэн урсах ба Украины Корнин сууринг дайрна. Дараа нь зүүн хойд зүгт эргэн урсаж байгаад Унава голын баруун талаас уг голтой нийлнэ. Ингээд Киевээс баруунш 20 км-ийн зайд чигээ өөрчлөн умард зүгт урсана. Ингэж урсах замдаа ижил нэртэй Ирпинь хотыг дайрч, Киевийн усан санд хүрдэг. Ирпинь гол нь нийт 162 км урттай. Түүний усаа цуглуулах талбай 3340 км².

Түүх

Ирпень голын урсгал дагуу Киевийн Русийн төв байрлаж байсан бөгөөд тус голтой холбогдол бүхий түүхэн үйл явдлуудыг нэг бус удаа дурдсан байдаг.

1321 онд тус голын хөндийд Ирпень голын тулалдаан болсон бөгөөд үүнд Литвын зэвсэгт хүчин өмнөд Оросын нэгдсэн вант улсуудын хүчийг ялсан байна.

Цахим холбоос

 Commons: Ирпинь гол – Викимедиа зураг, бичлэг, дууны сан