Индра Кибер Сургууль
Индра кибер институт нь Монгол улсын нийслэл Улаанбаатар хотод байрладаг, мэдээлэл технологийн чиглэлээр сургалт явуулдаг, олон улсад хүлээн зөвшөөрөгдсөн мэргэжлийн дипломын хөтөлбөртэй сургууль юм. Энэ нь Амжилт групп компанийн салбар сургуулийн нэг бөгөөд 2019 онд байгуулагдан үйл ажиллагаагаа явуулж байна.
| Индра кибер институт | |
|---|---|
| Байршил | |
 | |
Улаанбаатар хот, Чингэлтэй, 4-р хороо | |
| Солбицол | 47°54′30″N 106°55′58″E / 47.90833°N 106.93278°EСолбицол: 47°54′30″N 106°55′58″E / 47.90833°N 106.93278°E |
| Ерөнхий мэдээлэл | |
| Үүсгэн байгуулагдсан | 2019 |
| Үүсгэн байгуулагч | Ж.Шижир |
| Захирал | Д.Бямбасамбуу |
| Анги | 3 |
| Сурагчдын тоо | 100 орчим |
| Хэл | Монгол хэл, Англи хэл |
| Вэб сайт | indracyber |
Түүх
засварлахИндра кибер институт нь анх Энэтхэг улсын Бангалор их сургууль, SRM сургууль, Amjora компанитай Монгол улсын Том-Амжилт ХХК 2017-2018 оны хооронд хийсэн хамтын ажиллагааны хэлэлцээрийн дагуу 2018 онд Энэтхэгийн их сургууль нэртэйгээр байгуулагдсан бөгөөд тухайн жилдээ програм хангамж, график дизайны мэргэжлээр Энэтхэгийн Бангалор их сургуулийн баклаврын түвшний сургалтыг монгол залууст таниулан үйл ажиллагаа явуулж байжээ.
2019 оноос богино хугацаанд бага төлбөрөөр суралцах хүсэлтэй оюутан залуусын хэрэгцээ шаардлагаар Энэтхэгийн их сургууль нь 1 жилийн хугацаанд суралцаж тус сургуулийн мэргэжлийн дипломтой төгсөх мэргэжлийн сургалтын чиглэлд шилжсэн ба 2023 оноос программ хангамж, график дизайн, дижитал маркетер мэргэжлүүдээр ОУ-ын сертификатын шалгуур хангасан хөтөлбөртэйгөөр Индра кибер сургууль нэрээр шинэчлэгдэн ажиллаж байна.
Одоо
засварлахПрограммист, график дизайнер, дижитал маркетер мэргэжлүүдээр 110 суралцагч, 15 багш, ажилчинтайгаар 2023-2024 хичээлийн жилд үйл ажиллагаа явагдаж байна.
Үйл ажиллагааны чиглэл
засварлахГрафик дизайнер, программист, дижитал маркетер мэргэжлүүдээр жилийн богино хугацааны мэргэжлийн сургалт явуулаж онол болон практикт суурилсан, ОУ-ын жишиг хөтөлбөрөөр оюутнуудыг сургаж, шинэ мэргэжилтнүүдийг бэлтгэх.
Суралцах орчин
засварлахНийт 200 суралцагч хичээллэх сургалтын байр, Монгол дахь хамгийн том рендер фарм, амралтын өрөө, мини фитнес бүхий өндөр хурдны утасгүй интернэтийн сүлжээнд бүрэн холбогдсон сургалтын орчинтой ба 2024 онд спортын заал барьж ашиглалтад оруулах төлөвлөгөөтэй аж.
Сургалтын хөтөлбөрүүд
засварлахGAP Хөтөлбөр
засварлах9 сарын, долоо хоногт 5 өдөр бүтэн цагийн сургалт юм.
- Full Stack веб хөгжүүлэлт, график дизайн, дижитал маркетингийн чиглэлээр гүнзгий мэдлэг, ур чадвар олгох зорилготой
- 12-25 насны залууст зориулсан
- Харвард, Google, Facebook зэрэг дэлхийд танигдсан байгууллагуудын сертификат авах боломжтой
LITE Хөтөлбөр
засварлах6 сарын, долоо хоногт 3 өдөр хагас цагийн сургалт
- Дижитал маркетинг, веб дизайн, хөгжүүлэлтийн суурь ур чадвар эзэмшүүлэх
- Ажил, хувийн амьдралтай хүмүүст зориулсан, уян хатан хуваарьтай
- Facebook, Google, Coursera-ийн гэрчилгээ авах боломжтой
Нэмэлт хөтөлбөр, дугуйлан
засварлах- Англи хэлний IELTS hunter клуб
- Themeforest Freelancer team
- Ширээний теннис, сагсан бөмбөг, шатар, e-sport (PlayStation), гар бөмбөгийн дугуйлан
Хамтын ажиллагаа
засварлахИндра кибер сургууль нь гадаад, дотоодын боловсролын ба бизнесийн байгууллагуудтай олон талт хамтын ажиллагаатай. Үүнд:
- 2017 он Энэтхэгийн Бангалор их сургууль, SRM сургууль хөтөлбөр хэрэгжүүлэгч
- 2022 он Amjilt LMS, ERP систем хөгжүүлэлтийн хамтын ажиллагаа
- 2023 он Австралийн дижитал маркетинг институт хөтөлбөр хэрэгжүүлэгч
- 2023 он Meta программист болон сошиал медиа маркетерын жишиг хөтөлбөр