Жанет Эванс

Жанет Элизабет Эванс (Англи: Janet Elizabeth Evans, 1971 оны 8 сарын 28-нд төрсөн) нь Америкийн Нэгдсэн Улсын усанд сэлэгч юм.

Жанет Эванс Усанд сэлэлт Төлөөлдөг улс: Америкийн Нэгдсэн Улс Хувийн мэдээлэл Бүтэн нэр Жанет Элизабет Эванс Төрсөн огноо 1971 оны 8 сарын 28 Төрсөн газар Пласентиа, Калифорни, АНУ

Медалиуд Зуны олимп Сөүл 1988 400 м чөлөөт Сөүл 1988 800 м чөлөөт Сөүл 1988 800 м холимог Барселона 1992 800 м чөлөөт Барселона 1992 400 м чөлөөт Дэлхийн АШТ Перт 1991 400 м чөлөөт Перт 1991 800 м чөлөөт Перт 1991 200 м чөлөөт Ром 1994 800 м чөлөөт Ром 1994 4x200 м чөлөөт буухиа

Намтар

Калифорни муж улсын Пласентиад төрсөн Эванс багаасаа усанд сэлэлтээр хичээллэж, 11-тэйдээ л насныхаа ангилалд улсын дээд амжилт тогтоож байв. Тэрээр Эль Дорадо ахлах сургууль болон Өмнөд Калифорнийн Их Сургууль дүүргэжээ.

Эванс 1989 онд АНУ-ын сонирхогчийн спортын шилдэг тамирчинд олгодог Жеймс Салливаны шагналын эзэн болсон. Мөн Свимминг Ворлд сэтгүүл түүнийг 1987, 1989, 1990 оны дэлхийн шилдэг эмэгтэй усанд сэлэгчээр нэрлэж байв.

Амжилт

Жанет 1987 онд 15-хан насандаа 400, 800, 1500 метрийн зайн чөлөөт сэлэлтийн дэлхийн дээд амжилтыг эзэмших болсон байлаа. 1988 онд Сөүлийн олимпоос 3 алтан медаль хүртсэн. Тэр үед 400 метрийн зайд тогтоосон дэлхийн дээд амжилт нь 2006 он хүртэл эвдэгдээгүй юм. 800, 1500 метрийн зайн дээд амжилт нь ч 20 жил хадгалагдсан билээ.

Эванс 400, 800 метрийн чөлөөт сэлэлтээр АНУ-ын 12 удаагийн аварга болжээ. Тэрээр Барселоны олимпоос 1 алт, 1 мөнгөн медаль хүртсэн бөгөөд спортын замнал нь Атлантын олимпоор дууссан юм. Атлантад тэр медаль хүртэж чадаагүй ч нээлтийн ёслолын үеэр олимпын бамбарыг барьж гүйн, бамбарыг асаасан Мухаммад Алид дамжуулсан билээ.

Гадны холбоосууд

• Албан ёсны сайт
• Албан ёсны намтар
• ОУОХ-ны вэбсайт дахь профиль
• Жанет Эванс — Internet Movie Database