Гэрлэлт гэдэг нь эрэгтэй болон эмэгтэй хүн хоорондын харилцаагаа илүү гүнзгий, дотно хэмжээнд байлгах зорилгоор /хүслээр/ цаашид хамт амьдрахаар тохиролцсон шийдвэр гаргаснаа бусдад илэрхийлж буй гадаад хэлбэр. Монгол хэлний "гэрлэлт" хэмээх үг нь "гэрээ" гэсэн үгнээс гаралтай бөгөөд 2 хүний хоорондын гэрээ юм. Энэ гэрээ нь ирээдүйн амьдралдаа жаргасан ч зовсон ч үргэлж хамтдаа байна гэсэн утга бүхий.

Дэлхийн ихэнх улс орнуудад гэрлэх ёслол байдаг бөгөөд маш хүндэтгэлтэй, ёс төртэй, нарийн дүрэм журамтай баярын арга хэмжээ болж өнгөрдөг. Улс орон, үндэстэн ястан бүрийн гэрлэх ёслол өөрийн гэсэн өвөрмөц онцлогтой.

Гэрлэлтийн эсрэг үг нь салалт. Ийм учраас гэрлэлтийг мөн нийлэлт гэж ойлгож болох юм. Монголчуудын уламжлалт баяр Цагаан сараар бүх хүмүүс хоорондоо золгодог сайхан уламжлалтай. Гэхдээ эхнэр, нөхөр буюу гэрлэсэн хосууд хоорондоо золгодоггүй. Учир нь тэднийг нэг бие гэж үздэг.

Цахим холбоос засварлах

  Commons: Гэрлэх ёслол – Викимедиа зураг, бичлэг, дууны сан
  Commons: Хурим – Викимедиа зураг, бичлэг, дууны сан
 
Wiktionary
Wiktionary: Хурим – Энэ үгийг тайлбар толиос харна уу