Бясалгал
Бясалгал гэдэг нь анхны утгаараа сэтгэлийн соёл буюу сэтгэлийн хөгжил гэсэн утгатай. Харин дэлхий нийтээр Бясалгал гэж чухам юу вэ гэдэг талаар яг тогтсон ойлголт байхгүй гэж болно. Энэ нь ямар нэгэн зүйлийн тухай бодож бясалгах гэсэн утгатай огт бус. Бясалгалын маш олон арга байдаг бөгөөд ерөнхийд нь хоёр ангилж болно. Эхнийх нь зориуд тусгай газар (агуй, уул хад, ойд буюу тусгайлан бэлдсэн өрөө тасалгаанд эсвэл гэр орондоо) сууж амьсгалаа мөн биеийнхээ аливаа нэг хэсгийг анзааран мэдэрч байх эсвэл гадны дуу чимээг анхааралтай ажиглан чагнаж байх гэх мэт үргэлжлэн өөр маш олон төрлийн бясалгал бий. Хоёр дахь хэлбэр нь хүний хувийн амьдрал, ажил алба буюу өдөр тутмын хэвшиж заншсан биеийн болон бодол сэтгэлийн үйлдлүүдээ анхааралтайгаар анзааран, ухаарч мэдэрч байх буюу яг одоогийн агшиндаа юу хийж, бодож байгаагаа анзаарч ухааран мэдэрч байх. Энэ нь нэг ёсондоо хүн тухайн агшинд байгаагаараа байх буюу сэтгэлийн хөдлөлөө нуух гэж оролдох биш харин анзаарч байх нь бясалгал ажээ. Хүмүүс үндсэндээ яг одоогийн агшин хоромыг анзаарч мэдрэх агшинд, хэдийнээ хийж байгаа ажил үйлээ анзаарч эхэлдэг бөгөөд харин янз бүрийн бодол орж ирэхэд энэ цаг хоромоо мэдэрдэггүй буюу сэтгэлийн үйл ажиллагаагаа ухамсартайгаар анхаарч анзааран байж чаддаггүй. Энэхүү бодлын хуйлрал нь нэг бол болоод өнгөрсөн эсвэл, болоогүй ирээдүйн тухай байдаг ба сэтгэл ингэж өнгөрсөн болоод ирээдүйд байнга ачаалагдах нь мэдрэлийн системд стресс үүсгэдэг.
Хүмүүс бясалгал бол төвлөрөл гэж хэлдэг. Энэ нь үүний эсрэг юм. Бясалгал бол төвлөрөл биш. Харин бясалгал түүний үр дагавар нь төвлөрөл.
2024 оны 12 сарын 21-ны өдрийг НҮБ-ын Ерөнхий Ассамблигаас Дэлхийн Бясалгалын Өдөр болгон тунхаглах тогтоолыг санал нэгтэйгээр батлаж, хүн бүрийн дээдийн дээд баяр баясалд хүрэх эрхийг бие, сэтгэлийн эрүүл мэндийн жишиг стандарт болгон сануулж жил бүрийн энэ өдрийг дэлхий нийтээрээ бүх улс үндэстэн тэмдэглэхээр болов. [1] [2][3]
Анхаарал хандуулах эсвэл бясалгал хийх бясалгалыг зөв хэрэгжүүлээгүй тохиолдолд зарим хүмүүсийн сэтгэлийн түгшүүр, сэтгэлийн хямралыг улам бүр дордуулж, тэр ч байтугай анх удаа гарч ирдэг.[4]
Цахим холбоос
засварлах
Commons: Бясалгал – Викимедиа зураг, бичлэг, дууны сан |
Wiktionary: Бясалгал – Энэ үгийг тайлбар толиос харна уу |
- ↑ Nations, United. "World Meditation Day". United Nations (англи хэлээр). Татаж авсан: 2024-12-28.
- ↑ "https://documents.un.org/doc/undoc/ltd/n24/372/60/pdf/n2437260.pdf". 2024/11/29.
{{cite web}}: Check date values in:|date=(help); External link in|title=|url=(help) - ↑ "UN declares December 21 as World Meditation Day, India among co-sponsors". The Times of India. 2024-12-07. ISSN 0971-8257. Татаж авсан: 2024-12-28.
- ↑ https://onlinelibrary.wiley.com/doi/full/10.1111/acps.13225