Бадамжавын Чогсом

Бадамжавын Чогсом нь Монголын уран зураач. Ардын зураач, Урлагийн гавьяат зүтгэлтэн, Франц улсын ардын зураач, урлаг судлалын ухааны магистр, хүндэт профессор юм. Монголын дүрслэх урлагт үнэтэй хувь нэмэр оруулсан хүний нэг билээ.

НамтарEdit

Олхонууд овогтой Бадамжавын Чогсом нь 1930 онд Говь-Алтай аймгийн Тайшир сумын нутагт төржээ.

1944 онд "Үйлдвэрийн комбинат" уран зураг нь анхны том бүтээл нь байв.

1957 онд Зураг урлалын харьяа Дүрслэх урлагийн сургуулийг төгссөн. 1967 онд УБДС-ийн анхны уран зургийн ангийг дүүргэжээ.

1948-1949 онд Б.Чогсом нь зургийн сургуульд багш, 1957-1959 онд Гадаад явдлын яаманд ажиллав.

1959-1960 онд “Үнэн” сонины газар “Матар” сэтгүүлийн зураачаар ажиллажээ.

1960-1961 онд Монголын уран бүтээлчдийн холбоонд гадаад харилцааны референтээр ажиллаж байлаа.

1961-1972 УБДС, ХБДС-ийн уран зургийн багшаар, 1972-1974 онд МУЭХ-нд зураач, урлаг судлаач, эрхлэгчээр ажилласан байна.

1974-1981 онд МУИС-ийн архитектурын ангид уран зургийн багшаар, 1981-1984 онд МУЭХ-нд бие даасан уран бүтээлчээр тус тус ажиллажээ.

1984-2005 онд УБДС, СУИС, ПТИС, Монгени сургуулиудад уран зураг, хар зураг, урлагийн түүх, технологи, өнгө судлал, баримлын багшаар ажиллаж байсан

Б.Чогсом нь эх орондоо болон Англи, Болгар, Польш, Чехословак, Турк, Югослав, Япон, Герман, Финлянд, Орос, Литва, Вьетнам, Солонгос, Хятад, Норвеги, Бельги, Франц улсуудад уран бүтээлийн үзэсгэлэнгээ гаргасан.

Хэвлэл мэдээлэлдEdit

Б.Чогсом: Уран зураг бол хаана ч үнэ нь буурдаггvй цорын ганц бараа

Б.Чогсом: Францын Ардын зураач боллоо гэхэд нь намайг шоглож байна гэж бодсон

Б.Чогсом: Энэ цагийнхныг гоочилж, өөрийн үеийнхэнтэй харьцуулах нь буруу

Ардын зураач Б.ЧОГСОМ: “Матар” сэтгүүлд шүүмжлүүлж гарвал том асуудал болдог байлаа.

Б.Чогсом Монгол улсын ардын зураач

Монголын урлагийн сор бүтээлүүд “Бөхчүүд”

Гавьяа шагналуудEdit

1982 онд Монголын Урчуудын Эвлэлийн Хорооны (МУЭХ) тэргүүний ажилтан цол

1986 онд МУЭХ-ны нэрэмжит шагнал, Алтан гадас одон

1991 онд Сүхбаатарын одон

2003 онд Монгол Улсын Урлагийн Гавьяат Зүтгэлтэн

2003 онд Бүгд Найрамдах Франц улсын “Франц ба Дэлхийн Урлаг Утга зохиолын Хүндэт Одон” буюу Францын Ардын зураач цол

2005 онд Боловсролын “Хүндэт Профессор” цол, АНУ-ын хүн судлалын хүрээлэнгийн 2005 оны “Шилдэг хүн”

2006 онд Их Монгол улс байгуулагдсаны 800 жилийн ойн медаль, АНУ-ын “The world medal of freedom” медаль

2007 онд Монгол Улсын Ардын зураач цол

2008 онд “Найрамдлын Алтан Од” одонгоор тус тус шагнагдсан байна.