Батлан Хамгаалахын Эрдэм Шинжилгээний Хүрээлэн
Батлан Хамгаалахын Эрдэм Шинжилгээний Хүрээлэн нь МАХН-ын Төв Хороо, БНМАУ-ын Сайд нарын Зөвлөлийн 1979.05.29-ний өдрийн “Батлан хамгаалах хүчийг бэхжүүлэх талаар авах зарим арга хэмжээний тухай” 13 тоот тогтоолоор “оператив, байлдааны болон улс төрийн бэлтгэлийн тэргүүн туршлагыг нэгтгэн дүгнэж нэвтрүүлэх, цэргийн түүх судлах зорилгоор БХЯ-ны цэргийн түүхийн болон Ардын Армийн Жанжин Штабын цэргийн эрдэм шинжилгээний тасгийг нэгтгэн “Цэргийн эрдэм шинжилгээний институт”-ыг байгуулсан.[баримт хэрэгтэй]
Тус хүрээлэн энэ хугацаанд 6 удаа бүтэц зохион байгуулалтын өөрчлөлтөд орсон байна.
- 1990-1991 онд Цэргийн түүхийн хүрээлэн,
- 1991-1993 онд Цэргийн Их Сургуулийн эрдэм шинжилгээний хүрээлэн,
- 1993-1996 онд БХЯ-ны Эрдэм шинжилгээний хүрээлэн,
- 1996-1999 онд ЦИС-ийн Цэргийн эрдэм шинжилгээний хүрээлэн,
- 1999 оноос Батлан хамгаалахын их сургуулийн харьяа Батлан хамгаалахын эрдэм шинжилгээний хүрээлэн болон зохион байгуулагдсан.
2022 оноос Аюулгүй байдал, батлан хамгаалах судлалын төв, Батлан хамгаалахын дүн шинжилгээний төв, Дайн, цэргийн урлаг судлалын төв, Технологи дамжуулалт, реинженерингийн төв, Цэргийн түүх, сургамж судлалын төв, Энхийг дэмжих олон улсын судалгааны төв гэсэн шинэ бүтэц, зохион байгуулалтад шилжин ажиллаж байна.