Александр Квасньевски

Алекса́ндр Кваснье́вски (польш. Aleksander Kwaśniewski; 1954 оны 11 дүгээр сарын 15-нд БНПАУ-ын Биавоград хотод төрсөн) -польшийн төрийн болон улс төрийн зүтгэлтэн. 1995-2005 онд Польшийн ерөнхийлөгч байсан (2000 онд дахин сонгогдсон).

Гданьскийн Их сургуулийг 1977-1981 онд сурч төгсөөд Польшийн оюутны социалист холбоонд ажилласан. 1979 онд тэрээр Иоланта Квасньевскатай гэрлэсэн (1981 онд охин нь Александра төрсөн). 1981-1984 онд тэрээр оюутны долоо хоног тутмын "Идд" сэтгүүлийн ерөнхий редактор, дараа нь алдартай "Штандар Млодых" сонинд (1984-1985) ажиллаж байв.

1985 оноос - Залуучуудын асуудал эрхэлсэн сайд, 1987-1990 онд Бүгд Найрамдах Польш Улсын Залуучуудын асуудал, спорт, биеийн тамирын хорооны дарга, 1988-1991 онд Польшийн Үндэсний олимпийн хорооны ерөнхийлөгч.

1977-1990 онд ПАНН-ын /Польшийн Ажилчны Нэгдсэн нам/ гишүүн байсан.

Бүгд Найрамдах Польш Улсыг татан буулгасны дараа тэрээр Польшийн Социал-демократ намын зүүн жигүүрийн удирдагч, хуучин эрх баригч Польшийн ажилчдын нэгдсэн намын залгамжлагч үе, Ардчилсан зүүний холбоог үүсгэн байгуулагчдын нэг болжээ.

1991-1995 онуудад Польшийн Сеймын гишүүн. Квасньевски шашинд үл итгэх үзэлтэй.

1995 онд ерөнхийлөгчөөр сонгуулийн хоёр дахь шатанд Лех Валенса-г ялж Ерөнхийлөгчөөр сонгогдсон. 2000 онд Ерөнхийлөгчөөр дахин сонгогдсон.

Квасньевскийн эдийн засгийн бодлогын чиглэл бол зах зээлийн ардчилал, Европын холбоо, НАТО -д элсэх, төрийн өмчийг хувьчлах явдал байсан юм. Олон талаараа хууль батлах нь сөрөг хүчний давамгайлалаас болж хүндрэлтэй байв. 1997 оны 7 дугаар сарын 16-нд Польшийн шинэ Үндсэн хуулийг бүх нийтийн санал асуулгаар баталсан нь Польш дахь олон улс төрийн хүчний дунд маргаан үүсгэсэн юм.

Польш Улс 1997 онд Чех, Унгарын хамт НАТО-д элссэн бөгөөд 2004 оны 5 дугаар сарын 1-нд Европын Холбоонд элсэв.

Парламентын ээлжит бус 2007 оны сонгуулиар Квасньевски «Зүүнүүд ба ардчилагчид» (польш. Lewica i Demokraci, LiD) блок тэргүүлж орсон боловч ялагдал хүлээсэн байна.

2014 оноос Украины байгалийн хий олборлдог «Burisma Group» компаний захирлуудын Зөвлөлд байгаа.