Ням-Осорын Учрал
Ням-Осорын Учрал (1985 оны 1 дүгээр сарын 2-нд Улаанбаатар хотод төрсөн) - 2016 оноос Монгол Улсын Их хурлын гишүүнээр хоёр удаа сонгогдсон хүн.
| Ням-Осорын Учрал | |
| Монгол Улсын Их Хурлын Гишүүн | |
|---|---|
| 2016-одоо хүртэл | |
| Цахим хөгжил, харилцаа холбооны сайд | |
| 2022 оны 8 сар - одоо хүртэл | |
| Өмнөх | Шинээр байгуулагдсан |
| НАМЗХ-ны Ерөнхийлөгч | |
| 2019-одоо хүртэл | |
| Өмнөх | Ганзоригийн Тэмүүлэн |
| Овог нэр | Ням-Осорын Учрал |
| Төрсөн | Улаанбаатар |
| Нам эвсэл | Монгол Ардын Нам |
Н.Учрал нь 1985 оны 1 дүгээр сарын 2-нд төрсөн айлын том хүүхэд Түүний аав нь 2021 онд Ардын багш цол хүртсэн, доктор Н.Ням-Осор "Их Засаг" олон улсын их сургууль үүсгэн байгуулагч, ээж нь багш мэргэжилтэй түүхийн ухааны доктор Ж.Цэцэгмаа.
Боловсрол засварлах
- 2003 онд Их Засаг лицей сургууль, бүрэн дунд боловсрол эзэмшсэн,
- 2007 онд Их засаг олон улсын их сургууль, эрх зүйч мэргэжлээр төгссөн.
- 2010 онд Их Британийн Глоустершер их сургууль, Лимкоквин их сургуулийн Англи улсын Лондон хотын салбарт бизнесийн удирдлагын магистр хамгаалсан,
- 2012 онд Монгол улсын Боловсролын их сургууль, түүхийн ухааны магистрын зэрэгтэй,
- 2013 онд ОХУ-ын Шинжлэх ухааны академийн Сибирийн салбар, Түүхийн ухааны докторын зэрэг хамгаалсан.
Ажилласан байдал засварлах
- 2007-2008 онд "Их засаг" олон улсын их сургуулийн ТУЗ-ийн дэд дарга
- 2010-2016 онд Рояаль Академи, Рояаль олон улсын дээд сургуулийн үүсгэн байгуулагч, ерөнхий захирал.
- 2012-2014 онд Нийслэлийн Монгол ардын намын хорооны улс төрийн хэлтсийн дарга,нийслэлийн БЗД-ийн Иргэдийн Хурлын төлөөлөгч.
- 2015 онд Засгийн газрын Хэрэг эрхлэх газарт Монгол улсын Шадар сайд У.Хүрэлсүхийн ажлын алба, Шадар сайдын олон нийттэй харилцах бодлогын зөвлөх.
- 2016 онд Улсын Их Хурал дахь Монгол ардын намын /МАН/ бүлгийн зөвлөх.
- 2010 оноос Монголын Франчайзингийн Ассоциацийн ерөнхийлөгч,
- 2015 оноос МАН-ын дэргэдэх НАМЗХ-ны Дэд ерөнхийлөгч, 2019 оноос Ерөнхийлөгч,
- 2015 оноос "Yes Mongolia" Монголын залуу багш нарын холбооны ерөнхийлөгч,
- 2016 онд, 2020 онд Монгол Улсын Их Хурлын гишүүнээр Сонгино хайрхан дүүргийн 72 дугаар тойргоос хоёр удаа сонгогдсон.
- 2020 оноос Монгол Улсын Их Хурлын гишүүн, УИХ-ын Инновац, цахим бодлогын байнгын хорооны дарга.
- 2022 оны 8-р сараас Цахим хөгжил, харилцаа холбооны сайд
- 2023 оноос Сүхбаатар дүүргийн МАН-ын хорооны даргаар ажиллаж байна.
Н.Учрал 2020 оны 11 дүгээр сард хүнд өвчин тусч эмчлүүлсэн.
Гэр бүлийн байдал засварлах
2008 онд Ч.Сэлэнгэтэй гэрлээд гурван хүүхэдтэй болсон.
Түүний эмэгтэй дүү Н.Ундрал МҮОНТВ-ийн хөтлөгч.
Шагнал засварлах
2015 онд Боловсролын тэргүүний ажилтан цол тэмдэг хүртсэн.